په افغانستان او پاکستان کې به سږکال لوي اختر يا عیدالاضحی د مې په ۲۷مه نېټه لمانځل کېږي. د دواړو هېوادونو د سپوږمۍ لېدو ادارو د ذوالحجې د میاشتې د سپوږمۍ لیدل تایید کړي دي.

په پاکستان کې د رویت هلال مرکزي کمېټۍ ویلي، چې د ذوالحجې میاشت د مې له ۱۸مې نېټې پېل شوه، نو ځکه به د قربانۍ اختر د مې په ۲۷مه وي. په افغانستان کې هم د اسلامي کلیزې او د سپوږمۍ لېدو له مخې د اختر نېټه له پاکستان سره یو شان اعلان شوې ده.

د اختر د رانږدې کېدو سره سم، په پېښور، کابل او نورو ښارونو کې د څارويو منډيانو کې ګڼه ګوڼه زیاته شوې ده. خلک د قربانۍ څاروي، جامې او د نورو اختریزو شیانو په اخیستو بوخت ښکاري.

بلخوا مذهبي عالمانو له خلکو غوښتي چې د اختر ورځې د خپلمنځي یووالي، مرستې او د بېوزلو خلکو سره د لاسنیوي لپاره وکاروي.