د افغانستان د غزني ولایت په دویمه ناحیه کې د "سلطان محمود غزنوي" په نوم د ۴۰۰ میلیونه افغانیو په ارزښت ستر سوداګریز مارکیټ د رسمي مراسمو په ترڅ کې پرانیستل شو.

چارواکي وایي، د جون په ۲۱مه، پرانیستي دغه پروژه د عامه او خصوصي مشارکت له لارې پلې کېږي او د ښار اقتصادي ودې، سوداګریزې پراختیا او کاري فرصتونو رامنځته کولو لپاره مهم ګام بلل کېږي.

ټاکل شوې ده چې یاد سوداګریز مرکز له بشپړېدو وروسته شاوخوا ۷۰۰ عصري هټۍ ولري او په پرمختللو امنیتي او خدماتي اسانتیاوو سمبال وي.

مسؤلین باور لري چې دا پروژه به د غزني ښار سوداګریز فعالیتونه پیاوړي او د پانګونې لپاره به نوي فرصتونه رامنځته کړي.